Tartanka u dhexeeyo Kenya iyo Ethiopia, qaadkii Miirowga ee Kenya usoo dhoofin jirtay Soomaaliya ayaa sanadkan 2025 galay hoos-u-dhac weyn, iyadoo tirada guud ee la raray ay noqotay 1.7 milyan kiilo. Tani waxay ka dhigan tahay in dhoofku uu yaraaday ku dhowaad 17% marka loo eego 2.1 milyan kiilo oo la dhoofiyay sanadkii hore.
TARTANKA U DHEXEEYO KENYA IYO ETHIOPIA: DARASAADKA LA SAMEEYAY
Tartanka u dhexeeyo Kenya iyo Ethiopia, daraasad laga soo saaray Kenya ayaa muujisay in bisha Febraayo ay ahayd tan ugu liidatay, iyadoo kaliya la dhoofiyay 199,860 kiilo. Si kastaba, May ayaa noqotay bisha ugu sarreysay dhoofka sanadka, maadaama la diray in ka badan 356,000 kiilo.
AKHRISO SIDOO KALE:
WASIIR KU-XIGEENKA MAALIYADDA OO HOR-TAGAY 2-DA AQAL: WAR-BIXINTA MIISAANIYADDA QARANKA
SIR-DOONADA SHISHEEYE OO ISKAGA BAXAY SOOMAALIYA: KADIB JABSASHADA XOGTA E-VISA
Ganacsatada ku hawlan suuq-geynta khaadka ayaa sheegay in xaaladda suuqa ay adkaatay, maaddaama Itoobiya ay si xoog leh u ballaarinayso iibgeeda Soomaaliya. Tani waxay keentay in Kenya ay lumiso qayb ka mid ah suuqii ay muddo dheer ku gacan sarreysay.
HOOS U DHACA QIIMAHA KHAADKA
Tartanka u dhexeeyo Kenya iyo Ethiopia, hoos-u-dhaca hadda muuqda ayaa dib u soo taagay walaac hore oo ku saabsan ku-tiirsanaanta dhaqaale ee Kenya ay ku leedahay Soomaaliya oo ah suuqa ugu weyn ee qaadka dalkaasi.
Dhoofka Kenya ee Miirowga ayaa 2022 dib u soo bilaabmay ka dib markii Soomaaliya ay qaadday xayiraad labo sano ahayd oo ka dhalatay xiisad diblomaasiyadeed intii uu xilka hayay madaxweynihii hore, Maxamed Cabdullaahi Farmaajo.
