Jawaab-celinta Puntland, Warsaxafadeed kasoo baxay Wasaaradda arrimaha gudaha Federaalka iyo Dimuqraadiyada maamulka Puntland ayaa si adag loogu beeniyay in Puntland ay ku lug leedahay dagaalada sokeeye ee ka socda dalka Suudaan.
JAWAAB-CELINTA PUNTLAND: ISKA FOGEYNTA XIRIIRKA DAGAALADA SUDAN
Jawaab-celinta Puntland, Puntland ayaa iska fogeysay wararka la xariira in garoonka diyaaradaha Magaalada Boosaaso laga qaado duqeymaha diyaaradeed ee Suudaan ka dhaca iyo inay martigeliyaan Kooxaha Calooshood u shaqaystayaasha ah oo ay maalgaliso Imaaraadka Carabta.
Warsaxafadeedka kasoo baxay Puntland ayaa sidoo kale lagu xusay ineysan jirin sabab keeni karta ku lug lahaanshiyaha dagaalada sokeeye ee Suudaan, islamarkaana dalkaas uu yahay dal walaal la ah Soomaaliya.
“Dawladda Puntland waxay si cad u beeninaysaa inay wax lug ah ku leedahay dagaalka sokeeye ee ka socda Dalka Sudan iyo in garoonka (Airport) Boosaso looga duulo Dalka Sudan, waxayna Puntland si adag ugu cambaaraynaysaa Dawladda Federaalka ah oo dacaayad ceebayn ah iyo eedayn aan sal lahayn Puntland ku wadda” ayaa lagu yiri Warsaxafadeedka kasoo baxay Puntland.
Akhriso sidoo kale:
MIDOWGA YURUB OO CIIDAN GEEYAY XEEBAHA SOOMAALIYA: KA HORTAGA KHATARAHA BIYAHA SOOMAALIYA
SOMALIA IS GRANTED $112 MILLION PROJECT: THE WORLD BANK’S SUPPORT TO SOMALIA
U JAWAABISTA DF SOOMAALIYA
Jawaab-celinta Puntland, Puntland ayaa sidoo kale tilmaamtay in warka kasoo yeeray dowladda Fedaraalka uu yahay mid dacaayad riqiis ah oo lagu magac xumaynayo, islamarkaana lagu xagal daacinayo guulaha taariikhiga ah oo ay ka gaartay dagaalka ka dhanka ah kooxaha Argaggixisada Caalamiga ah ee ka dagaalamayay buuraha Cal miskaad ee Gobolka Bari.
Ugu dambeyntii Warsaxafadeedka kasoo baxay Wasaaradda arrimaha gudaha Federaalka iyo Dimuqraadiyada Puntland ayaa kusoo aadaya, iyadoo laba maalin ka hor dowladda Fedaraalka Soomaaliya ay shaacisay in garoonka Boosaaso ay ka duulaan diyaarado aada dalka Suudaan, hayeeshee aanan la xaqiijin karin waxa ay geeyaan dalka Suudaan oo dagaalo qaraar ka socdaan.
