Qeylo dhaanta abaarta ba’an, Puntland ayaa maanta soo saartay qeylo-dhaan degdeg ah oo ku saabsan abaarta ba’an ee ka jirta deegaanadeeda, taas oo saamaysay ku dhawaad hal milyan (1,000,000) oo qof.
QEYLO DHAANTA AABARTA BA’AN: DEEGAANADA AY KU DHUFATAY ABAARTA
Qeylo dhaanta abaarta ba’an, Ku-simaha Madaxweynaha ahna Madaxweyne Ku-xigeenka Puntland, Ilyaas Cismaan Lugatoor, ayaa sheegay in abaartu ay si weyn u saameysay gobollada Mudug, Nugaal, Sool, Cayn, Sanaag, Haylaan, Bari, Karkaar, iyo Raasicasayr, halkaas oo kumannaan qoys ay wajahaan cunto iyo biyo la’aan.
Warbixin rasmi ah oo kasoo baxday Madaxtooyada Puntland ayaa lagu sheegay in 940,000 qof ay haatan la tacaalayaan saameynta abaarta, halka 130,000 qof ay ku sugan yihiin xaalad degdeg ah oo u baahan gargaar bini’aadantinimo.
Akhriso sidoo kale:
XILDHIBAANADA OO ANSIXIYAY HINDISE SHARCIYEED: HANAANKA LACAG BIXINTA QARANKA
PUNTLAND OO BEENISAY IN AY KU LUG-LEEDAHAY DAGAALKA SUDAN: JAWAAB-CELINTA PUNTLAND
Sidoo kale, xogta la helay ayaa muujinaysa in in ka badan 310,000 carruur ah oo ka yar 5 sano ay la ildaran yihiin nafaqo darro halis ah, halka 360,000 qof oo barakacayaal ah (IDPs) —intooda badan ah xoola-dhaqato— ayna ku jiraan xaalad nolol adag.
SAAMEYNTA ISBEDDELKA CIMILADA
Qeylo dhaanta abaarta ba’an, Puntland ayaa sheegtay in abaartan ay sabab u tahay isbeddelka cimilada iyo roobabkii oo ku yimid hakad afar xilli oo xiriir ah, taas oo keentay in dhulka intiisa badan uusan helin roob ku filan muddo labo sano ah.
Hay’adaha saadaasha iyo xog ururinta ee IMC, SWALIM, iyo IGAD/ICPAC ayaa sidoo kale sheegay in roobabka Guga iyo Deyrta ee soo socda ay u badan tahay in ay noqdaan kuwo hooseeya marka loo eego celceliska sannadihii hore, taas oo sii adkeynaysa xaaladda dadka iyo xoolaha.
Ku-simaha Madaxweynaha Puntland Ilyaas Cismaan Lugatoor ayaa ugu baaqay dhammaan hay’adaha maxalliga ah, kuwa caalamiga ah iyo bulshada rayidka ah in ay si degdeg ah uga jawaabaan baahiyaha bani’aadantinimo ee jira, isagoo sheegay in dadka reer Puntland ay u baahan yihiin taageero degdeg ah si looga hortago musiibo bani’aadantinimo.”
SHIR DEGDEG AH OO LA FILAAYO
Qeylo dhaanta abaarta ba’an, waxaa sidoo kale lagu dhawaaqay shir degdeg ah oo la qaban doono Isniinta, 10-ka November 2025, kaas oo lagu qaban doono Hoolka Shirarka ee Madaxtooyada Puntland ee Garoowe. Shirkaas ayaa diiradda lagu saari doonaa isuduwidda iyo dardargelinta gurmadka abaaraha.
Puntland ayaa la qabto dhibaatooyinka la xiriiro abaaraha guud ahaan dalka Soomaaliya, oo aalaa ka soo gaarto dhibaato weyn, taas oo dhaliso biyo yari, xoolaha oo baaba’o iyo barakac ballaaran ku imaado dadka ku dhaqan miyiga.
Intaas waxaa u sii dheer maatada, colaaddo ka jiro deegaanada kala duwan, kuwaas oo sii xumeenaayo xaaladda barakacayaasha, taas oo ka dhalato in lagu waayo naf iyo hanti. Xaaladdahaan ayaa ah kuwa soo noqnoqdo oo dowladdaha maamul gobolleedka iyo midda federaalka aysan u heynin xal toos ah ay ku wajahaan.
