Horumarinta adeegyada caafimaad ee caruurta, Isbitaalka Muqdisho ayaa furay qeyb cusub oo daryeelka caruurta ah, si kor loogu qaado Tayada caafimaadka. Qeybtaan cusub waxaa ay bixini doontaa adeegyo daaweyn, kormeeris iyo nafaqeyn, iyada oo lagu qalabeeyay agab caafimaad oo casri ah, taas oo gacan ka geesaneysa badbaadinta ubadka Soomaaliyeed iyo horumarinta caafimaadka guud ee bulshada.
HORUMARINTA ADEEGYADA CAAFIMAAD EE CARUURTA: QEYBTA DARYEELKA CARUURTA
Horumarinta adeegyada caafimaad ee caruurta, Istbitaalkaani ayaa si rasmi ah u furay qeybta daryeelka caruurta, taas oo ujeeddadeeda ay tahay in lagu horumariyo adeegyada caafimaadka ee caruurta dad’dooda ay ka yartahay 15-ka sano. Munaasabadda furitaanka oo ay ka soo qeyb-galeen mas’uuliyiint ka tirsan Wasaaradda Caafimaadka, dhakhaatiir iyo hay’addo calami ah, ayaa lagu muujiyay sida dowladda iyo la-howl-galayaasheeda ay ugu heelan yihiin horumarinta adeegyada caafimaadka dalka.
Akhriso sidoo kale:
RA’ISAL-WASAARAHA SOOMAALIYA OO FURAY SHIRWEYNE: MAAMULISTA INTARNETKA SOOMAALIYA
UUR ISKA-SOO-XAAQISTA SHARCI-DARADA EE SOOMAALIYA
Qeybtaan cusub ee isbitaalka ayaa lagu qalabeeyay agab caafimaad oo casri, sida qalabka lagu kormeero cadaadiska dhiigga, qalabka oksijiinka iyo mashiinada lagu ogaado cudurada faafa ee caruurta. Waxaa sida oo kale la dhisay qolal gaar ah, oo loogu tallo-galay caruurta xaaladdaha deg-degga ah, kuwaas oo u baahan daryeel joogto ah. Tani waxaa ay qeyb ka tahay qorshaha dowladda ee lagu doonaayo in la dhiso nidaam caafimaad oo tayo sare leh, gaar ahaan agabka lagu daryeelo ubadka iyo hooyooyinka.
ADEEGYADA LA BIXINAAYO
Horumarinta adeegyada caafimaad ee caruurta, Maamulka isbitaalka ayaa sheegay in qeybta cusub lagu bixinaayo adeegyo badan oo ay ka mid yihiin, daaweenta cudurada neef-mareenka, dhiig yaraanta, cudurada caloosha iyo cudurada ku dhaco lafaha caruurta. Waxaa sida oo kale la diyaariyay qeyb gaar ah oo lagu kormeero koritaanka iyo nafaqada caruurta, iyada oo la siinaayo tallooyin caafimaad oo waalidiinta ka caawinaayo sid ay ubadkooda u ilaaliyaan caafimaadkooda.
Dhakhaatiirta ka howl-geli doono qeybtaan, waa kuwa tababar gaar ah ku soo qaatay dalk dibaddiisa, kuwaas oo khibrad u lehcaafimaadka caruurta iyo daaweynta cudurada adag. Waxaa sida oo kale lagu daray kalkaaliyaal iyo shaqaale caafimaad oo si joogta u tababaran doono, si loo hubiyo in ay adeegyada noqdaan kuwa deg-deg ah, isla markaana lagu qanci karo. Maamulka ayaa sheegay in isbitaalka uu qorsheenaayo in uu sanad walba bixinaayo adeegyo caafimaad oo bilaash ah, gaar ahaan caruurta ka imaanaayo qoysaska dan-yarta ah.
DAREENKA BULSHADA
Furitaanka qeybta cusub ee isbitaalka, ayaa lagu tilmaamay tallaabo muhiim ah oo kor u qaadeyso caafimaadka bulshada Soomaaliyeed. Maadaama caruurta ay yihiin mustaqbalka dalka, waxaa laga ma maarmaan noqotay in la helo xarumo u qalmo oo lagu daryeelo cudurada ay la kulmaan. Tani waxaa ay yareyni doontaa safarada dadka u baxa dibadda, si ay u helaan daaweyn, iyada oo sida oo kale fursad siineyso in dhakhaatiirta gudaha ay ku kobciyaan aqoontooda.
Wasaaradda Caafimaadka ee Soomaaliya, ayaa sheegtay in uu qorshahaan qeyb ka yahay dadaallada lagu xoojinaayo nidaamka caafimaad ee dalka. Waxaa la filayaa qeybtaan cusub in ay noqoto mid u tusaale u noqoto isbitaallada kale ee dalka, si ay u hir-geliyaan adeegyo u gaar daryeelka caruurta. Mustaqbalka dhow, Isbitaalka Muqdisho waxaa uu qorsheenaayaa in uu ballaariyo qeybtaan, si loogu daro qeybaha kale ee daaweynta cudurada maskaxda caruurta iyo cilmi-baarisyo caafimaad oo ku saabsan caafimaadka guud ee caruurta Soomaaliyeed.
