Magaalada Carta ee dalka Jabuuti waxaa maanta ka dhacaysa munaasabad ballaaran oo lagu xusayo 25 sano guuradii ka soo wareegatey shirkii Carta ee lagu yagleelay dowladdii kumeel gaarka ahayd ee Somalia.
Xafladda waxaa ka qaybgalaya madaxda dowladda Soomaaliya, madaxdii hore ee dalka iyo qaybaha kala duwan ee bulshada Soomaaliyeed. Madaxweyne Xasan Sheekh iyo wafdi uu hoggaaminayo ayaa shalay galinkii dambe gaaray Jubuuti, si uu uga qaybgalo munaasabadaas.
Sidoo kale akhriso: SOOMAALIYA OO WADA-HADAL LA GASHAY SHIRKADDAHA ISGAARSIINTA
Dhanka kalena, Madaxdii hore ee soo martay dalka Somalia oo qaarkood hadda mucaarid yihiin iyo madax dhaqameed badan ayaa labadii maalin ee u dambeeyay gaaray dalkaas.
Jabuuti ayaa shirkii Carta ee 2000 ku dhisay dowladdii kumeelgaarka oo uu hoggaaminayay madaxweyne Cabdiqaasim Salaad Xasan, taas oo ahayd dowladdii ugu horreysay ee si rasmi ah loo aqoonsado tan iyo 1991-dii.
XIGASHO: Horseed Media
